विहिरी कोरड्याठाक; बागांनी माना टाकल्या

साठवण तलावाच्या निर्मितीनंतर पुनर्वसित झालेल्या तुळजापूर तालुक्यातील सावंतवाडी नं. २ शिवारातील विहिरींनी तळ गाठला

संतोष मगर तामलवाडी (उस्मानाबाद) -साठवण तलावाच्या निर्मितीनंतर पुनर्वसित झालेल्या तुळजापूर तालुक्यातील सावंतवाडी नं. २ शिवारातील विहिरींनी तळ गाठला असून, गावात रोजगार मिळत नसल्याने चार महिन्यांत काही कुटुंबानी शहर गाठले आहे. पाण्याअभावी जनावरे, माणसांचे हाल सुरू असून, काही फळबागांनी माना टाकल्याचेही चित्र आहे.तुळजापूर तालुक्यातील काटी-शेळगाव रस्त्यावरील सावंतवाडीत शेती हाच मुख्य व्यवसाय आहे. अनेक शेतकरी भाजी-पाल्याचे उत्पादन करून पुणे बाजारपेठेत विक्रीसाठी पाठवितात. मात्र, दोन वर्षांपासून दुष्काळी परिस्थिती निर्माण झाल्याने शेतकऱ्यांचे नियोजन कोलमडले आहे. शिवारात जेमतेम ७ विहिरी, आणि दहा-बारा बोअर असल्या तरी हे स्रोतदेखील कोरडेठाक पडले आहेत.