ऑनलाइन लोकमत
मुंबई, दि. २ - राज्याचा अर्थसंकल्प मांडताना राज्याचे अर्थमंत्री सुधीर मुनगंटीवार यांनी ३३ हजार विहीरी बांधल्याची माहिती दिली होती. त्याचा समाचार घेताना राज यांनी लोकमतचा संदर्भ दिला. फडणवीस सरकारने जाहीर केलेल्या ३३ हजार विहीरी कागदावरती असल्याचा आरोप त्यांनी केला.
विहीरीच्या बांधकामाचे पैसे कंत्राटदाराच्या खिशात गेले असे आरोप राज यांनी केला. राज्यातील दुष्काळी परिस्थितीच्या पार्श्वभूमीवर लोकमतच्या वार्ताहारानी प्रत्यक्ष जाऊन पाहणी केल्यानंतर एका चांगल्या योजनेचे प्रशासनात बसलेल्या झारीतील शुक्राचार्यांनी कसे मातेरे केले आहे, याचे धक्कादायक वास्तव समोर आले आहे.