ऑनलाइन लोकमत
नाशिक, दि. 5 - शेतीमालाला भाव मिळत नाहीय. माझा स्वतःचा दोन एकर वांगे काढणी खर्चही निघत नसल्याने मी नांगर फिरवला तेव्हा इतर शेतकऱ्यांचे काय हाल असतील अशा शब्दात राष्ट्रवादी काँग्रेसचे अध्यक्ष शरद पवार यांनी पिंपळगाव बसवंत येथे शेतकरी मेळाव्यात बोलताना केंद्रातल्या नरेंद्र मोदी सरकारच्या धोरणांवर जोरदार टीका केली.
नोटाबंदीच्या निर्णयाने नुकसान केले. आणीबाणीनंतर जनतेने काँग्रेसला धडा शिकवला, लोकशाहीवर गदा आणली कि काय होते हे जनतेने दाखवले आहे, आणीबाणी व नोटबंदी निर्णय सारखेच असल्याचे वक्तव्य शरद पवारांनी केले.
नकली नोटा छापणाऱ्या छबू नागरेवर कडक कारवाई करा, त्याला फासावर लटकवा असे पवार म्हणाले. नोटबंदीने उद्योग व्यवसाय अडचणीत अनेक उद्योगांनी कामगारांना कामावर काढून टाकले असे पवार म्हणाले. भ्रष्टाचाराचा आरोप करणा-या अण्णा हजारेंवर खटला भरणार असल्याचे शरद पवारांनी सांगितले.
https://www.dailymotion.com/video/x844nav