प्रविण ठाकरे / ऑनलाइन लोकत
अकोला, दि. 15 - लोकमत सखी मंचच्यावतीने अकोल्यात गेल्या तीन वर्षांपासून ‘ती’ चा गणपती ही संकल्पना राबविण्यास प्रारंभ झाला. या उपक्रमात स्थापनेपासून तर विसर्जनापर्यंतचे संपूर्ण विधी महिलांद्वारेच पार पाडले असून गणेश विसर्जन मिरवणुकीची सर्व तयारी महिलांनीच केली. विशेष म्हणजे संकल्प महिला ढोल पथकाच्या तालावर ‘ती’ चा गणपतीला जल्लोषात निरोप देण्यात आला.
गेल्या दहा दिवसात ‘ती’चा गणपती गणेशोत्सव मंडळास गेल्या १० दिवसांपासून अनेक महिलांनी भेट देऊन उत्स्फूर्त प्रतिसाद मिळाला. ‘ती’चा गणपती विसर्जन मिरवणुकीचे विशेष आकर्षण संकल्प प्रतिष्ठानचे संकल्प महिला ढोल पथक. या महिला ढोल पथकाचा गजर करीत ‘ती’चा गणपतीतर्फे अनोख्या पद्धतीने स्त्री शक्तीचे दर्शनच जणू घडले. संकल्प प्रतिष्ठानतर्फे महिलांनी मिळून महिला ढोल पथकाची स्थापना केली असून पारंपरिक लयबद्ध, शिस्तबद्ध वादनाने ही मिरवणुक लक्षणीय ठरली.