ऑनलाइन लोकमत
ठाणे, दि. 4 - घरगुती गॅस सिलिंडर दरवाढीविरोधात ठाणे शहर जिल्हा महिला काँग्रेसच्या वतीने अध्यक्षा सौ. शिल्पा सोनोने यांच्या नेतृत्वाखाली आंदोलन करण्यात आले. यावेळी मोदी सरकारविरोधात घोषणाबाजीही करण्यात आली. 'देशात महागाई भडकली आहे व बेरोजगारी वाढली. अशा परिस्थितीत घरगुती गॅस सिलिंडरची दरवाढ करुन गरीबांना मोदी सरकार वेठीस धरत आहे', अशी संतप्त प्रतिक्रिया यावेळई सोनोने यांनी दिली.
विनाअनुदानित एलपीजी सिलिंडरची किंमत तब्बल 86 रुपयांनी वाढवण्यात आली असल्यामुळे आता प्रति सिलिंडरसाठी 737.50 रुपये मोजावे लागत आहेत. घरगुती वापराच्या सिलिंडरच्या दरात आत्तापर्यंत झालेली ही सर्वाधिक वाढ आहे. आंतरराष्ट्रीय बाजारात सिलिंडरचे दर वधारल्याने भारतातही सिलिंडरच्या किंमतीत वाढ करण्याचा निर्णय घेण्यात आला आहे. यापूर्वी 1 फेब्रुवारी रोजी गॅस सिलेंडरचे दर 66.50 रुपयांनी वधारले होते.
त्यामुळे ज्या ग्राहकांचा वर्षभराचा 12 अनुदानित सिलिंडरचा कोटा पूर्ण झाला आहे आणि ज्यांनी अनुजदान सोडले आहे अशा लोकांना या दरवाढीचा फटका बसणार असून त्यांन एका सिलिंडरसाठी 737 रुपये मोजावे लागतील. दरवाढीपूर्वी 14.2 किलो वजनाच्या एलपीजी सिलेंडरसाठी 650.50 रुपये मोजावे लागत आहे, मात्र आता दर 86 रुपयांनी वाढल्याने सर्वसामान्यांना याचा फटका बसणार आहे.
https://www.dailymotion.com/video/x844teu