ऑनलाइन लोकमत
सोलापूर, दि. ७ - सोलापूरपासून १५ किमी अंतरावर असलेल्या आहेरवाडी येथील एनटीपीसी प्रकल्प सुरू असलेल्या ठिकाणी बॉययलर अंगावर पड़ून ५ मजुरांचा मृत्यू झाल्याची दुर्घटना घडली आहे. शुक्रवारी दुपारी ही दुर्घटना घडली असून आणखी काही मजून बॉयलरखाली अडकल्याची शक्यता आहे. या दुर्घटनेत ५ जण गंभीर जखमी झाले असून त्यांच्यावर सोलापूरमधीवल शासकीय रुग्णालयात उपचार सुरू आहेत.
शुक्रवारी सकाळी प्रकल्पाच्या ठिकाणी काही मजूर दोरीच्या सहाय्याने बॉलर उभा करण्याचा प्रयत्न करत असताना अचानक दोरी तुटली व बॉयलर मजुरांच्या अंगावर पडला. अनेक मजूर त्याखाली अडकले असून त्यांना बाहेर काढण्याचे प्रयत्न सुरू आहेत. पोलीस व जिल्हाधिकारी घटनास्थळी दाखल झाले आहेत.