जळगाव : भाजपा, सेनेचे हिंदुत्व बेगडी असून केवळ मतांसाठी हिंदुत्वाचा वापर केला जात असल्याची टीका अखिल भारतीय हिंदू महासभेचे प्रदेश उपाध्यक्ष अभयसिंग कुलकर्णी यांनी रविवारी रात्री पांडे डेअरी चौकातील जाहीर सभेत केली. व्यासपीठावर अखिल भारतीय हिंदू महासभेचे प्रदेशाध्यक्ष अनिल पवार, जिल्हाध्यक्ष पद्माकर जैन, उमेदवार विशाल शर्मा, शहर उपाध्यक्ष देवेंद्र तायडे, शाकद्विपीय ब्राह्मण समाज कन्या मंडळाच्या अध्यक्षा कोमल शर्मा, शाकद्विपीय ब्राम्हण समाज महिला मंडळाच्या अध्यक्षा संगीता शर्मा उपस्थित होते. कुलकर्णी आपल्या भाषणात म्हणाले की, भाजपा, सेना, काँग्रेस, राष्ट्रवादीचा रस्ता हा खड्डय़ांचा आहे. मतदारांनी चांगल्या रस्त्याने, हिंदू महासभेच्या रस्त्याने जावे, असे आवाहन केले. मोदी सरकारने गो-हत्या बंदीसाठी पाऊल उचलायला हवे होते. समान नागरी कायद्याची अंमलबजावणी करायला हवी होती. मात्र त्याकडे दुर्लक्ष होत असल्याची टीका त्यांनी केली. |