ऑनलाइन लोकमत
घोटी (नाशिक), दि. 1 - इगतपुरी तालुक्यात मासेमारी करणाऱ्या दोन आदिवासी महिलांचा पाण्यात बुडून मृत्यू झाला. एकमेकींना वाचवण्याच्या प्रयत्नात या महिलांचा करून अंत झाला. इगतपुरी तालुक्यातील भावली खुर्द येथील 5 ते 7 आदिवासी महिला मासेमारी करून उपजीविका करतात.
नांदगाव सदो गावाजवळील एका बंधाऱ्यावर त्या मासेमारी करायला गेल्या होत्या. आज संध्याकाळी 6 वाजेच्या दरम्यान त्या घराकडे परतत असताना हौसाबाई यमजी तेलम वय 52 ही महिला बंधाऱ्याच्या कडेवरून चालत असताना पाय घसरून पडली. तिला वाचवण्याच्या प्रयत्नात इंदूबाई देवजी आगीवले ही महिलाही पाण्यात पडली.
तथापि दोन्ही महिला बुडून मृत्युमुखी पडल्या. इतर महिलांच्या ओरडण्याने गावकऱ्यांनी मदतीचा प्रयत्न केला. स्थानिक माहितीवरून इगतपुरी पोलिसांमधे उशिरापर्यंत घटनेची नोंद घेन्याचे काम सुरु होते.