ऑनलाइन लोकमत
कोल्हापूर, दि. ७ - कोल्हापूरमध्ये खासगी ट्रॅव्हल कंपनीच्या दोन बसमध्ये भीषण टक्कर झाल्याची घटना गुरुवारी सकाळी घडली. या अपघातात ३ जण ठार झाले असून २० हून अधिक प्रवासी जखमी झाले आहेत.
कोल्हापूरमधील किणी टोलनाक्याजवळ विरुद्ध दिशेने येणा-या दोन बसेसची टक्कर झाली. बसचालकाचे गाडीवरील नियंत्रण सुटल्याने हा अपघात झाला असावा अशी शक्यता वर्तवली जात आहे. जखमींवर स्थानिक रुग्णालयात उपचार सुरु आहेत. यातील एका बसमध्ये व-हाडी असल्याचे समजते.