ऑनलाइन लोकमत
सोलापूर, दि. 26 - मोटारसायकलला भरधाव वेगाने निघालेल्या ट्रकने जोराची धडक दिल्याने एक वर्षाचा बालक जागीच ठार तर अन्य तिघे जण गंभीर जखमी झाल्याची घटना बुधवारी घडली़.
कार्तिक तानाजी काजळे (वय १ वर्ष, रा़. चुंगी, ता़. अक्कलकोट) असे मयत बालकाचे नाव आहे़ तर तन्मय तानाजी काजळे, सुनिता तानाजी काजळे, सौदागर कुमार कदम अशी जखमी तिघांची नावे आहेत़ याबाबत पोलीसांनी दिलेली माहिती अशी की, बुधवार २६ आॅक्टोबर रोजी मामा सौदागर कदम यांच्या मोटारसायकलवर बसून तन्मय काजळे, सुनिता काजळे व कार्तिक काजळे हे चौघे हन्नुर (ता़ अक्कलकोट) ते चिंचोलीकडे (ता़ तुळजापूर, जि़ उस्मानाबाद) जाताना टेलर नगरगावाच्या रोडवर मागून भरधाव वेगात येणा-या ट्रकने जोराची धडक दिली़. या धडकेत कार्तिक काजळे या एक वर्षीय बालकाचा मृत्यू झाला आहे. यातील जखमींवर जानकी हॉस्पीटल, अणदूर, ता़ तुळजापूर, जि़ उस्मानाबाद येथे उपचार करून पुढील उपचारासाठी सोलापूरातील शासकीय रूग्णालयात दाखल केले आहे. या घटनेची सिव्हील पोलीस चौकीत नोंद करण्यात आली आहे़