भिगवण : देवदर्शन करून घरी जाणाऱ्या भाविकांच्या ट्रॅक्टर ट्रॉलीला मदनवाडी घाटात शुक्रवारी (दि. १०) अपघात झाला. अपघातात एक जण जागीच ठार झाला, तर १० जण जखमी झाले आहेत. पिंपळे येथील पद्मावती देवीच्या दर्शनाला आलेल्या भाविकांचा हा अपघात घडला आहे. खाणावटे येथील हे भाविक आहेत. देवदर्शन करून घरी जाताना मदनवाडी येथील घाटात ट्रॅक्टर ड्रायव्हरचा ताबा सुटून अपघात झाला. ताबा सुटल्याने ट्रॅक्टर आणि ट्रॉली वळणावर पलटी झाली. यातील प्रवासी जखमी झाले. यात अभिजित विलास काळे (वय १६) या तरुणाचा जागीच मृत्यू झाला तर तानाजी शिवाजी गायकवाड, पद्मिनी महादेव काळे, कोमल विजय कन्हेरकर, विजय कल्याण कन्हेरकर व इतर पाच-सहा जण किरकोळ जखमी झाले. या बाबत भिगवण पोलीस ठाण्यात फिर्याद दाखल करण्यात आली असून, पुढील तपास सुरू आहे. >जखमींवर भिगवण येथील आयसीयू हॉस्पिटल, थोरात हॉस्पिटल आणि कोठारी हॉस्पिटल येथे उपचार करण्यात येत आहेत.किरकोळ जखमींवर उपचार करून त्यांना घरी सोडण्यात आले. अपघातस्थळी बघ्यांची मोठी गर्दी झाली होती.
देवदर्शन करून परतणाऱ्या ट्रॅक्टरला भीषण अपघात
By admin | Updated: June 11, 2016 01:36 IST