ऑनलाइन लोकमत
मुंबई, दि. २७ - चिपळूनजवळ गेल्या काही तासांपूर्वी ठप्प झालेली कोकण रेल्वेची वाहतूक सुरळीत झाली आहे.
चिपळूनजवळ कामथे बोगद्यात दिल्लीला जाणाऱ्या राजधानी एक्सप्रेसच्या इंजिनमध्ये बिघाड झाल्यामुळे गेले काही तास कोकण रेल्वेची वाहतूक ठप्प झाली होती. दरम्यान, या बिघाडामुळे पनवेलहून दुसरं इंजिन पाठविण्यात आले होते. त्यानंतर मालगाडीच्या इंजिनच्या सहाय्याने राजधानी एक्स्प्रेस पुन्हा चिपळूण स्थानकात आणण्यात आली. यानंतर पावने नऊच्या सुमारास कोकण रेल्वेची वाहतूक सुरळीत झाल्याचे सांगण्यात येते.