सावंतवाडी : सावंतवाडीत सध्या गाजत असलेल्या युवती अत्याचार प्रकरणाने आता वेगळेच वळण घेतले आहे. आपणास वेळोवेळी शहरातील विविध ठिकाणी नेऊन शीतपेयामध्ये गुंगीचे औषध देऊन अत्याचार करण्यात आले, अशी माहिती ‘त्या’ युवतीने विशेष तपास पथकाला दिली. त्यानंतर याबाबत तक्रार नोंदवून आज, मंगळवारी पोलिसांनी सहाजणांविरोधात गुन्हे दाखल केले. शहरात अटकसत्र राबवत दुपार्पयत चारजणांना, तर गोव्यातून सायंकाळी एकाला ताब्यात घेतले आहे. एकजण अद्याप फरार असून, पोलीस त्याचा शोध घेत आहेत.
दरम्यान, अटक करण्यात आलेल्या युवकांमध्ये सावंतवाडीचे नगरसेवक सुदन्वा आरेकर यांच्या मुलासह पुतण्याचाही समावेश आहे.
सावंतवाडी शहरात गेले चार दिवस युवतीवरील अत्याचाराचे प्रकरण गाजत आहे. 14 ऑगस्टला सायंकाळी ही युवती शहरातील मोती तलावाच्या काठावर पोलिसांना आढळून आली होती. त्यानंतर तिला येथील महिला अंकुर केंद्रात दाखल करण्यात आले होते. स्थानिक पोलिसांनी तिचा जबाब नोंदविला; पण तिने आपल्यावर अत्याचार झाला नसल्याचा जबाब दिला होता.
काल, सोमवारी तपास पथकातील महिला अधिकारी ज्योत्स्ना भ्रमिष्ठे यांनी ‘त्या’ युवतीची ‘इन कॅमेरा’ चौकशी केली. यावेळी तिने घडलेली हकिगत पोलिसांसमोर कथन केली. अमित महादेव मोर्ये (वय 22, रा. ज्युस्तीनगर), आदित्य सुदन्वा आरेकर (19, रा. खासकिलवाडा), मंगेश नीळकंठ सावंत (26, रा. माजगाव), स्वरूप हेमंत आरेकर (19, रा. शिल्पग्राम), नंदकिशोर बाळकृष्ण गावडे (22, रा. ज्युस्तीनगर) व मेहबूब शेख (21, रा. बाहेरचावाडा) यांनी तिच्यावर अत्याचार केला. हा प्रकार जुलै 2क्13 पासून 14 ऑगस्ट 2क्14 र्पयत म्हणजे वर्षभर सुरू आहे, असे तिने तक्रारीत म्हटले आहे.
पोलिसांनी काल ‘इन कॅमेरा’ चौकशी केल्यानंतर प्रथम त्या युवतीने दिलेल्या नावांची खात्री केली गुन्हा नोंद करून अटकसत्र सरू केले.