मुंबई : मुंबई महानगर क्षेत्रात राबविलेल्या अकरावी आॅनलाइन प्रवेशाची पहिली गुणवत्ता यादी बुधवारी सायंकाळी ५ वाजता जाहीर होईल. अकरावीच्या आॅनलाइन प्रवेशासाठी १ लाख ९८ हजार ६२३ विद्यार्थ्यांनी अर्ज केले आहेत.यंदा दहावी परीक्षेचा निकाल विक्रमी लागला आहे. त्यामुळे मुंबईतील महाविद्यालयांमध्ये पहिल्या गुणवत्ता यादीत प्रवेश मिळेल का, अशी घालमेल विद्यार्थी-पालकांमध्ये दिसते. अकरावी प्रवेशासाठी १ लाख ६० हजार १२८ जागा आॅनलाइनसाठी उपलब्ध आहेत. मात्र विविध अल्पसंख्याक आणि इतर महाविद्यालयांनी ३५ हजारांहून अधिक जागा आॅनलाइनसाठी सादर केल्या आहेत. यामुळे प्रवेशासाठी १ लाख ९५ हजारांहून अधिक जागा उपलब्ध झाल्या आहेत. (प्रतिनिधी)
अकरावी प्रवेशाची आज पहिली यादी
By admin | Updated: July 2, 2014 04:35 IST