कोल्हापूर/चंदगड : जम्मू-काश्मीरच्या पूँछ विभागात कृष्णाघाटी येथे झालेल्या पाकिस्तानी सैनिकांच्या गोळीबारात शहीद जवान राजेंद्र नारायण तुपारे यांच्या पार्थिवावर उद्या, मंगळवारी सकाळी १० वाजता मजरे-कार्वे (ता. चंदगड, जि. कोल्हापूर) या त्यांच्या मूळ गावी शासकीय इतमामात अंत्यसंस्कार करण्यात येणार आहेत. सोमवारी सायंकाळी हवाई दलाच्या खास विमानाने तुपारे यांचे पार्थिव बेळगाव येथे आणण्यात आले. मंगळवारी सकाळी ८ वाजता त्यांच्या मूळ गावी कार्वे येथे अंत्यदर्शनासाठी ठेवण्यात येणार आहे. त्यानंतर सकाळी १० वाजता अंत्यसंस्कार होतील, अशी माहिती सूत्रांनी दिली. (प्रतिनिधी)
शहीद जवान तुपारेंच्या पार्थिवावर आज अंत्यसंस्कार
By admin | Updated: November 8, 2016 04:51 IST