ऑनलाइन लोकमत
मुंबई, दि. ११ - वाढत्या गर्दीमुळे, दरवाजाबाहेर लटकून स्टंट करताना, अशा अनेक घटनांमध्ये प्रवाशांच्या मृत्यूचे प्रमाण वाढत असतानाच शुक्रवारी संध्याकाळी पश्चिम रेल्वेवर लोकलची धडक बसून ३ जण ठार झाल्याची धक्कादायक घटना घडली. पश्चिम रेल्वेच्या जोगेश्वरी-गोरेगाव स्थानकांदरम्यान ही दुर्घटना घडली.
रेल्वे रूळ ओलांडणा-या ३ प्रवाशांना भरधाव वेगाने येणा-या लोकलची जोरदार धडक बसली व त्यांचा जागीच मृत्यू झाला. मृतांमध्ये १ पुरूष, १ महिला व एका लहान मुलाचा समावेश आहे.