ऑनलाइन लोकमत
मुंबई, दि. १६ - तहेलका म्हणजे गाडलं गेलेले मढं आहे असा शब्दात शिवसेना पक्षप्रमुख उद्धव ठाकरे यांनी तहेलका मासिकावर टीका केली आहे. तरुण तेजपालसारखी लैंगिक अत्याचाराचे आरोप असलेली मंडळी तिथे होती, त्यावर काय बोलयचं असा चिमटाही त्यांनी काढला आहे.
याकूब मेमनच्या फाशीच्या पार्श्वभूमीवर तहलका मासिकाच्या मुखपृष्ठावर बाळासाहेब ठाकरे, लालकृष्ण आडवाणी यांचे छायाचित्र छापत सर्वात मोठा दहशतावादी कोण अशी मल्लिनाथी करण्यात आली होती. मासिकाच्या या वादग्रस्त लेखांवर संताप व्यक्त आहे. मुंबईत रविवारी अग्निशमन दलातील अत्याधुनिक गाडीच्या उद्घाटनाप्रसंगी उद्धव ठाकरे उपस्थित होते. या कार्यक्रमानंतर त्यांनी तहेलका मासिकाच्या लेखाविषयी प्रतिक्रिया दिली. तहेलका हा आपल्यासाठी संपलेला विषय आहे असे सांगत त्यांनी या मासिकावर अधिक भाष्य करणे टाळले.