टेलरिंग हा व्यवसायच नाही, तर मिशन... एका ब्रॅण्डची पन्नाशी

‘उनकी त्वचा से उनकी उम्र का पता ही नही चलता,’ असे चिरतरुण माणसाबाबत म्हटले जाते. अशाच एका लिजेंडरीचे नाव आहे, माधव अगस्ती. वय वर्षे ६८. फिटनेस बघत राहण्यासारखा.

- विशेष प्रतिनिधी ।मुंबई : ‘उनकी त्वचा से उनकी उम्र का पता ही नही चलता,’ असे चिरतरुण माणसाबाबत म्हटले जाते. अशाच एका लिजेंडरीचे नाव आहे, माधव अगस्ती. वय वर्षे ६८. फिटनेस बघत राहण्यासारखा. ‘ही लुकस् यंग बिकॉज ही थिंकस् यंग.’ दिलीपकुमार, सुनील दत्तपासून अक्षयकुमारपर्यंतच्या बदलत्या फॅशनचे ते शिल्पकार, तसेच आडवाणी, सुशीलकुमार शिंदेंपासून देवेंद्र फडणवीसांपर्यंतच्या बदललेल्या राजकीय पिढीतील फॅशनचा न बदललेला दुवाही तेच.असे म्हणतात की, कपड्यांचे माप घेण्यासाठी त्यांनी टेप हातात घेतलाच पाहिजे, असे नाही. ते नजरेनेही माप घेऊ शकतात. बºयाच दिग्गजांची अशी नजरेने मापे घेऊन त्यांनी त्यांचे शिवलेले कपडे त्यांच्या पुढ्यात ठेवत, सुखद आश्चर्याचा धक्का दिलाय. ७० च्या दशकात कपडे शिवायला सुरुवात करणारा हा अवलिया जगातील लेटेस्ट फॅशनचा दरदिवशी अभ्यास करतो. त्यासाठी पदरमोड करून जगभर फिरतो. टेलरिंग हा त्यांचा व्यवसायच नाही, तर ते मिशन आहे. त्यांच्या व्यवसायाचे हे सुवर्णमहोत्सवी वर्ष. ५० वर्षांपूर्वी हाती कात्री, टेप घेतलेला हा माणूस आज स्वत:च एक ब्रँड बनलाय.नागपूरच्या हडस हायस्कूलमध्ये शालेय शिक्षण घेतल्यानंतर, तिथल्याच जीएस कॉमर्स कॉलेजमध्ये पदवीपर्यंतच शिक्षण अर्धवट सोडावे लागलेल्या भिक्षुकाच्या या मुलाने आज मोठ्ठ विश्व निर्माण केलेय. बॉलीवूड आणि फॅशन हे शब्द हातात हात घालून चालतात. वेगवेगळ्या फॅशन्सबाबत बॉलीवूडची मक्तेदारी होती.माधव टेलर यांचे सर्वात मोठे योगदान काय, तर त्यांनी राजकीय नेत्यांनाही फॅशनेबल केले. एक काळ असा होता की, सर्वच राजकीय पक्षांच्या नेत्यांचे पेहराव एकसारखे असत. पुढाºयांचे सिनेमातील कॅरेक्टरही टिपिकल होते. त्यांनी या विशिष्ट साच्यातील राजकीय नेत्यांना ‘इम्प्रेसिव लूक’ दिला.एका धाटणीचे कपडे घातलेनाहीत, तर आपले मतदारहीआपल्याला स्वीकारणार नाहीत, हा राजकारण्यांमधील न्यूनगंड काढून टाकण्याचे मोठे श्रेय माधव अगस्ती यांना जाते. आजचे आमदार, खासदार, मंत्री वेगवेगळ्या फॅशनचे कपडे घालतात. ते सगळेच माधवरावांकडे जातही नसतील, पण ज्यांच्याकडे बघून त्यांनी पेहरावाची विशिष्ट चौकट तोडली, ते सगळे राजकारणी माधव टेलर यांच्याकडूनच कपडे शिवून घेत वा अजूनही शिवून घेतात.राष्ट्रपती रामनाथ कोविंद, माजी राष्ट्रपती प्रणव मुखर्जीपासून अनेक दिग्गज नेत्यांचे कपडे ते शिवतात.कोविंद यांनी राष्ट्रपतिपदाची शपथ घेतली, तेव्हा घातलेला सूटहा माधवरावांनीच शिवलेला होता. भाजपाच्या नेत्यांशी त्यांची ओळख करून देण्यासाठी एके काळी हात धरून घेऊन गेले ते वेदप्रकाश गोयल. म्हणजे आताचे केंद्रीय मंत्री पीयूष गोयल यांचे वडील.आज माधवरावांना जगभरातून बोलावणे असते. व्यवसायाची ५० वर्षे पूर्ण करताना त्यांना पत्नी मृणाल अन् दोन्ही मुलांची (राहुल आणि शंतनू) यांची उत्तम साथ लाभली आहे. उच्चशिक्षित असलेली ही दोन्ही मुले मुंबईतच व्यवसायाची धुरा नवनव्या फॅशन्सचा वेध घेत सांभाळत आहेत.बाबूजींशी खास ऋणानुबंध‘लोकमत’चे संस्थापक दिवंगत बाबूजी जवाहरलाल दर्डा यांच्याशी माधव अगस्ती यांचा खास ऋणानुबंध. ते भारावून सांगतात, ‘बाबूजी हे माझे पहिले व्हीआयपी ग्राहक. मी शिवून दिलेले नीटनेटके कपडे तेवढ्याच रुबाबदार बाबूजींनी घालणे, याची राजकीय वर्तुळात नेहमीच कौतुकाने चर्चा व्हायची. माझ्या कारकिर्दीच्या प्रारंभी बाबूजी माझ्या पाठीशी भक्कमपणे उभे राहिले,’ अशी कृतज्ञताही त्यांनी व्यक्त केली.