बेनोडा (अमरावती) : नजीकच्या गोरेगाव येथील एका प्रेमीयुगुलाने नरखेड-अमरावती रेल्वेवरील बेनोडा येथे मालगाडीखाली आत्महत्या केल्याची घटना सोमवारी सकाळी उघडकीस आली. वीरेंद्र राजूलाल आहाके (२२) असे यातील युवकाचे नाव असून मुलगी अल्पवयीन आहे.वरूड तालुक्यातील गोरेगाव येथील या युगुलाचे तीन वर्षांपासून प्रेमसंबंध होते. या आंतरजातीय प्रेमसंबंधाला घरच्यांचा विरोध असल्याने शनिवारी ९.३०च्या सुमारास ते घरून पळून गेले. त्यांनी लग्न करण्याचा प्रयत्न केला. मात्र, मुलगी अल्पवयीन असल्याने तो यशस्वी होऊ शकला नाही. अखेर कंटाळून त्यांनी आत्महत्येचे पाऊल उचलल्याची प्राथमिक माहिती आहे. वीरेंद्रने रविवारी रात्री घरी फोन करून ‘हा माझा शेवटचा फोन’ असल्याचे कळविले होते.
अमरावतीत प्रेमीयुगुलाची रेल्वेखाली आत्महत्या
By लोकमत न्यूज नेटवर्क | Updated: June 26, 2018 04:40 IST