ऑनलाइन लोकमतचाकण, दि. ६ : पुणे-नासिक महामार्गावर बालाजीनगरच्या हद्दीत बस रस्त्यावर अचानक थांबल्याने चार वाहने एकावर एक धडकून झालेल्या विचित्र अपघातात दुचाकीवरील एकजण जागीच ठार झाला असून पाठीमागे बसलेली त्याची पत्नी व लहान मुलगा जखमी झाले आहेत. पोलिसांनी दिलेल्या माहितीनुसार, हा अपघात आज दुपारी पावणे तीन वाजण्याच्या सुमारास बालाजीनगरच्या सिद्धी कॉम्प्लेक्स समोर झाला असून दुचाकीवरील इर्शाद बुडन सय्यद ( वय २८, रा. दिघी, ता. हवेली, मुळगाव चिंचोली, जुन्नर, जि. पुणे ) हे जागीच ठार झाले. तर त्यांची पत्नी हसीना ( वय २५ ) व मुलगा ईशान ( वय ३ ) हे जखमी झाले आहेत.
याबाबत सविस्तर माहिती अशी की, पुणे बाजूकडून चाकण कडे येत असणारी मोटार सायकल (क्रमांक एम.एच . १२ एफ डब्लू ३२६२ ) ही पुणे -नाशिक महामार्गावर असणा-या हिमराज शितगृहा जवळील बस थांब्यावर बस अचानक थांबल्याने बसच्या मागे थांबली असता पाठीमागून येणारा टाटा एस (क्रमांक एम .एच.१४ जे एम ४९९० ) हा टेम्पो थांबला. यावेळी पाठीमागून भरधाव वेगात येणारा आयशर टेम्पो ( क्रमांक एम एच १४ ए एस ७३०८ ) हा पुढे उभा असलेल्या टेम्पो वर जोरात आदळल्याने हा अपघात झाला. जखमींवर खासगी रुग्णालयात उपचार चालू असून पुढील तपास चाकण पोलीस करीत आहे. ---------------------------------------------------------------------------