नाना हिवराळे
- खामगाव (जि़ बुलडाणा)
महाराष्ट्र राज्य मार्ग परिवहन महामंडळ (एसटी)च्या बसेसला राज्यातील 4क् पथकर नाक्यांपासून मुक्ती मिळाली आहे. सदर पथकर नाक्यांवर पथकर भरू नये, असे स्पष्ट आदेश सर्व आगार प्रमुखांना एका पत्रद्वारे देण्यात आले आहेत़ पथकर भरण्याची गरज नसलेल्या पथकर नाक्यांची यादीही आगारांना देण्यात आली आहे.
‘प्रवाशांच्या सेवेसाठी’ हे ब्रीद घेऊन एसटी राज्यात प्रवासी वाहतूक सेवा पुरवित आहे. गाव तिथे रस्ता व रस्ता तिथे एसटी हे समीकरण बनले आहे.
ग्रामीण भागातील शेवटच्या टोकावर पोहण्याचे काम एसटीने केले आहे; मात्र सर्वसामान्यांना स्वस्त दरात सुरक्षित प्रवासी वाहतुकीची सुविधा पुरवित असलेल्या एसटीला राज्यात ठिकठिकाणी पथकर भरावा लागतो.
राज्यात महाराष्ट्र राज्य रस्ते विकास महामंडळे (एमएसआरडीसी) अंर्तगत 53, सार्वजनिक बांधकाम विभाग (पीडब्ल्यूडी) अंर्तगत 73 व भारतीय राष्ट्रीय महामार्ग प्राधिकरण (एनएचएआय) अंर्तगत 4क्, असे एकूण 166 पथकर नाके कार्यरत आहे.
त्यापैकी पीडब्ल्यूडीच्या 31 व एमएसआरडीसीच्या 9 नाक्यांवर यापुढे एसटीला पथकर भरावा लागणार नाही. (प्रतिनिधी)
अमरावती विभाग - शिवणी नागपूर विभाग - देवळी
औरंगाबाद विभाग पाटोदा, चौंढी, पांढरी, देवशिंगा, काकरंबा, गोजेगाव
नाशिक विभाग - खानापूर, दोंडाईच, चिखली, होळफाटा, वडगाव पान, रांजनगाव देशमुख, टाकळी काझी, खर्डा, बिलाखेड, नेरी, पूर्णाड, अकुलखेडा व धुळे बायपास (प्रकरण न्याय प्रविष्ट).
मुंबई- कोनफाटा, दांडा फाटा, आपटा फाटा.
पुणो विभाग - काळेगाव, दुधणी, फुटजवळ गाव, कासेगाव फाटा, शेरीनाला, मगरवाडी फाटा, निरागावाजवळ, कुर्डवाडी बाह्यवळण, विजय नगर, निसरे फाटा, मंगळवेढा, मरवडे.
(एमएसआरडीसी अंतर्गत)
बुटीबोरी-वर्धा,
वर्धा-पुलगाव रस्ता, नागझरी-खेर्डा-कारंजा, कारंजा-मालेगाव, मालेगाव-मेहकर, सुलतानपुर-सिंदखेड राजा, सिंदखेड राजा-जालना, सिन्नर-घोटी, अहमदनगर-करमाळा मार्ग