मुंबई : दक्षिण विभागाच्या अमन बेल्गुने पूर्व विभागाच्या सायान पॉलचा ४-२ असा पराभव करत ४९व्या अखिल भारतीय मध्य क्रीडा महोत्सवात पुरुष एकेरी टेबल टेनिस स्पर्धेत विजेतेपद मिळवले. तर महिला गटात दक्षिण विभागाच्या एन. विद्याने पूर्व विभागाच्या मेधा मोईत्रावर ४-१ अशी मात केली.गोरेगाव स्पोटर््स क्लबमध्ये बुधवारी झालेल्या टेबल-टेनिसच्या अंतिम सामन्यात अमनला पहिले दोन गेम गमवावे लागले. पॉलने प्रभावी खेळ करत ११-८, ११-९ असे गेम जिंकत २-० अशी आघाडी घेतली. मात्र यानंतर अमनने पॉलला पुनरागमन करण्याची संधी दिली नाही. अमनने दमदार खेळ करत उर्वरित गेममध्ये ११-९, ११-८, ११-८, ११-८ असा विजय मिळवला. महिला एकेरीत देखील दक्षिण विभागाचे वर्चस्व राहिले. विद्याने पूर्व विभागाच्या मेधाचा ११-२, १०-१२, ११-४, १२-१०, ११-८ असा पराभव करत बाजी मारली.बॅडमिंटन पुरुष एकेरी गटाच्या अंतिम सामन्यात पल्लब बोसने तीन गेममध्ये विजेतेपद निश्चित करताना निगेल डिसिल्व्हाचा १८-२१, २१-१७, २१-१७ असा पराभव केला. महिला एकेरीत नेहा पंडितने रिया पिल्लईचा २२-२०, २१-७ असा धुव्वा उडवून जेतेपदावर नाव कोरले. (क्रीडा प्रतिनिधी)
दक्षिण विभागाचे एकहाती वर्चस्व
By admin | Updated: February 16, 2017 03:47 IST