ऑनलाइन लोकमत
सोलापूर, दि. 23 - वर्षानुवर्ष सत्तेत राहिलेल्या काँग्रेसचा किल्ला ढासळत भाजप व शिवसेनेने याठिकाणी जोरदार मुसंडी मारत मनपावर सत्ता स्थापन करण्याकडे वाटचाल सुरू केली आहे़. तर नवख्या एमआयएम पक्षानेही प्रथमत: निवडणुक लढवित जोरदार मुसंडी मारीत ८ जागांवर विजय मिळविला आहे़
दरम्यान, प्रभाग २२ मधून एमआयएमच्या पूनम अजित बनसोडे, प्रभाग १४ मधून शाहिदाबानू इकबाल शेख, वाहिदाबाई कासीम शेख, रियाज इब्राहिम खारादी हे चार जण विजयी झाले असून उर्वरित चार जण विजयाच्या उंबरठ्यावर आहेत़ हेही उमेदवार विजयी झाले असून फक्त निवडणुक अधिकाºयांकडून विजय घोषित करणे बाकी उरले आहे़
यंदा एमआयएम पक्षाने प्रथमच सोलापूर महानगरपालिका निवडणुकीत उतरले होते़ एमआयएमच्यावतीने वातावरण निर्माण करण्यासाठी पक्षाने खा़ असोउद्दीन ओवेसी व आ़ अकबोरोद्दीन ओवेसी यांच्या सभा झाल्या़ या सभेत दोन्ही मातब्बर नेत्यांनी सोलापूरच्या विकासात मोलाची साथ देऊ असेही आश्वासन दिले होते़ एमआयएमच्या विजयी उमेदवारांनी शहरात विजयाचा जल्लोष करीत आनंद व्यक्त केला़ ढोल, ताशांच्या गजरात एमआयएमच्या उमेदवारांनी मिरवणुक काढली़ सोलापूरच्या मतमोजणीस सकाळी ७ वाजता प्रारंभ झाला़ सुरूवातीच्या काळात टपाली मतदान मोजणी झाली़ मतमोजणी केंद्रावर पोलीसांची चोख पोलीस बंदोबस्त ठेवला आहे़