ऑनलाइन लोकमत
सोलापूर, दि. १५ - बेगमपूर (ता.मोहोळ) येथे सोमवारी पहाटे चारच्या सुमारास दोन वेगवेगळया ठिकाणी धाडसी चोरी करीत शिक्षकांवर चाकूने हल्ला करून लाखो रूपयाचा ऐवज चोरून नेला व जाताजाता चोरटयानी चार जण बेदम मारहाण करून गंभीर जखमी केले.
गावाजवळील शिक्षक कॉलनी व पेट्रोल पंपाजवळ हा प्रकार घडला, शिक्षक कॉलनीतील साजीद अ मज्जीद शेख व त्यांची दोन मुले साबीर व अरशद तर पंपाजवळील हबीब अब्बन पठाण यांचेवर चोरटयांनी जीवघेणा हल्ला केला,पैकी साबीर व अरशद या भावंडावर पोट व पाठीवर गंभीर घाव पडलेले आहेत. स्वतंत्रदीनादिवशी घडलेल्या घटनेमुळे नागरिकांच्या सुरक्षतेचा प्रश्न निर्माण झाला आहे. परिसरात भितीचे वातावरण निर्माण झाले आहे.
घटनास्थळावर पोलीस दाखल झाले आहेत.