हरभ-याच्या भावात अल्प प्रमाणात वाढ

तुर सरासरी ८0५0 क्विंटल; मुगाचे दर तीन हजाराने घटले.

अकोला : पावसाच्या कमतरतेमुळे खरीप, रब्बी पिकांना प्रचंड फटका बसला असून, उत्पादन प्रचंड घटल्याने, यावर्षी धान्याचे दर वाढतील, अशी अपेक्षा होती; पंरतु बाजारात दर कमीच आहेत. शुक्रवारी हरबर्‍यांच्या दरात किंचीत सुधारणा झाली असली तरी सोयाबीनचे दर जैसे थे आहेत.सोयाबीनचे दर वाढतील या प्रतिक्षेत काही शेतकर्‍यांनी साठवून ठेवलेले सोयाबीन अखेर विक्रीस काढले आहे. यावर्षी खरिपातील जवळपास सर्वच पिकांचे उत्पादन घटले आहे. मूग, उडिदाचे पीक पूर्णत: हातचे गेले असून, सोयाबीनचा उतारा एकरी ५0 किलो ते एक क्विंटलपर्यंतच आला आहे. कापसाचे उतारा मोजक्या ठिकाणी एकरी पाच ते सात क्विंटलपर्यंत आले आहे. कोरडवाहू क्षेत्रात मात्र हा उतारा एकरी एक ते दीड क्विंटलच आहे. तुरीचे उत्पादनही घटले आहे. दरम्यान, मागील पंधरवड्यात अकोला कृषी उत्पन्न बाजार समितीमध्ये तुरीचे हेच दर ७ हजार रुपये प्रतिक्विंटल होते. शुक्रवारी या दरात ५00 रू पये वाढ झाली आहे. पंरतु प्रतवारी बघून दर ठरले जात असल्याने शेतकरी त्रस्त आहेत. सोयाबीनच्या दर मागच्या महिन्यात सोयाबीनचे दर ३२00 ते ३५00 रुपये प्रतिक्विंटल होते. या दरात चढ उतार सुरू असून, शुक्रवारी हे दर ३,३३५ ते ३,५५0 रू पये प्रतिक्विंटलपर्यंत पोहाचले आहेत. मुगाचे दर घसरले असून, ६,२५0 रू पये प्रतिक्विंटल झाले आहेत. हे दर ९ हजार रू पयापर्यंत पोहोचले होते. अकोला कृषी उत्पन्न बाजार समितीतील तुरीची आवक दररोज केवळ ४,४0१ क्विंटलवर येऊन ठेपली असून, सोयबीनची आवक तर २,५७५ क्विंटल आहे. या भागात तूर व सोयाबीनचे पीक सर्वाधिक घेतले जाते. याच भागात या दोन्ही पिकांची आवक घटली आहे. मुगाची आवक केवळ ५ क्विंटल तर उडिदाची आवक केवळ ३ क्विंटल आहे.