ऑनलाइन लोकमत
मुंबई, दि. २४ - मुंबईतील प्रसिद्ध विल्सन कॉलेज जिमखान्याजवळ शुक्रवारी दुपारी शॉटसर्किट झाल्याने धुराचे साम्राज्य पसरले असून गिरगाव चौपाटीजवळ मोठी वाहतूक कोंडी झाली आहे. विल्सन कॉलेज जिमखान्याजवळ शुक्रवारी दुपारी १ च्या सुमारास शॉर्टसर्किट झाले व छोटी आग लागली. हे वृत्त कळताच पोलिस तेथे तत्काळ हजर झाले व पोलीस नियंत्रण कक्षाने २ वेळा बेस्टला कॉल केला. मात्र तासभर उलटून गेल्यानंतरही कोणतीही मदत मिळाली नाही. ब-याच वेळानंतर अग्निशमन दलाची १ गाडी घटनास्थली दाखल झाली असून जवान माती टाकून ही आग विझवण्याचा प्रयत्न करत आहेत. ही आग छोटीशीच असल्याने कोणतीही जीवित वा वित्तहानी झालेली नाही मात्र प्रचंड धूर पसरला असून मोठी वाहतूक कोंडी झालेली आहे.