शिर्डी (जि़ अहमदनगर) : शिर्डीतील शतकोत्तरी गुरुपौर्णिमेच्या मुहूर्तावर शनिवारी लाखो भाविकांनी साईदरबारी हजेरी लावत साईबाबांचे मनोभावे दर्शन घेतले. विशेष म्हणजे पहाटे मंदिर उघडण्यापूर्वीच भाविकांच्या रांगा शहराबाहेर पोहोचल्या होत्या़
द्वारकामाईत शुक्रवारपासून सुरू असलेल्या साईसच्चरित्र ग्रंथ पारायणाची सकाळी सांगता झाली़ यानिमित्ताने साईप्रतिमा व साईसच्चरित्र ग्रंथाची द्वारकामाई मंदिरातून मिरवणूक काढण्यात आली़ ही मिरवणूक गुरूस्थान मंदिरात व तेथून समाधी मंदिरात नेण्यात आली़ माध्यान्ह आरतीला कृषिमंत्री राधाकृष्ण विखे यांनी सपत्नीक हजेरी लावली़
दुपारी ह़भ़प़ माधवराव आजेगावकर (परभणी) यांच्या कीर्तनाचा, तर रात्री विजय साखरकर (मुंबई) यांचा साईंच्या गाण्यांवर आधारित नृत्यमय कार्यक्रम झाला़ रात्री सव्वानऊ वाजता श्रींच्या सुवर्ण रथाची गावातून भव्य मिरवणूक काढण्यात आली़ यात मोठय़ा प्रमाणावर भाविक व ग्रामस्थांबरोबरच अनेक बॅण्ड पथके सहभागी झाली़़ उत्सवाच्या निमित्ताने भाविकांच्या देणगीतून मंदिर व परिसरात फुलांची सजावट करण्यात आली़ भाविकांच्याच देणगीतून तीनही दिवस मोफत अन्नदान होत आह़े पहिल्या दिवशी सत्तर हजार भाविकांनी मोफत प्रसाद भोजनाचा लाभ घेतला, तर 8क् भाविकांनी रक्तदान केले. (प्रतिनिधी)
‘त्या’ निर्णयावर नाराजी
उत्सव काळात केवळ संस्थानचे पदाधिकारी व अधिकारी यांचेच वस्त्र मूर्तीवर चढवण्याच्या निर्णयावर संस्थानचे माजी विश्वस्त डॉ़ एकनाथ गोंदकर यांनी आक्षेप घेत हा सामान्य भाविकांवर अन्याय असल्याचे सांगितल़े सकाळच्या ग्रंथ मिरवणुकीच्या वेळी बराच वेळ मंदिर विनाकारण निर्मनुष्य ठेवण्यात आल्याबद्दलही गोंदकर यांनी नाराजी व्यक्त केली़ दर्शनबारीत पाच ठिकाणी पाण्याची व्यवस्था करण्यात आलेली होती, मात्र ती अगदीच तोकडी ठरली. शहरात दूरवर गेलेल्या रांगांमुळे भाविकांना त्रस सहन करावा लागला़