अकोला: खुल्या स्वरूपात विकण्याची परवानगी नसलेले एका नामांकित कंपनीचे आईस्क्रीम कप, दामदुप्पट दरात माथी मारून, अकोला रेल्वे स्थानकावर प्रवाशांना उल्लू बनविल्या जात असल्याचे, ह्यलोकमतह्णने केलेल्या ह्यस्टिंग ऑपरेशनह्णमुळे मंगळवारी उघडकीस आले. विशेष म्हणजे या आईस्क्रीम कपवर कमाल किरकोळ विक्री किंमत (एमआरपी), कालबाह्य तारीख (एक्सपायरी डेट) व उत्पादन तारीख (मॅन्युफॅक्चरिंग डेट)चा उल्लेख नाही. त्यामुळे सदर कपमधील आईस्क्रीम केव्हा तयार झाले होते, हे कळण्याचा काहीही मार्ग उपलब्ध नाही. ह्यअमूलह्ण या नामांकित कंपनीने, विवाहादी समारंभप्रसंगी किंवा मोठय़ा हॉटेल्समधील ग्राहकांसाठी प्रत्येकी १00 ग्रॅम वजनाचे २४ आईस्क्रीम कप असलेली खोकी बाजारात आणली आहेत. सदर खोक्यांमधील आईस्क्रीमच्या कपवर एमआरपी, तसेच एक्सपायरी व मॅन्युफॅक्चरिंग डेटचा उल्लेख नाही आणि सदर कप खुल्या स्वरूपात विकू नयेत, अशी स्पष्ट ताकीद प्रत्येक खोक्यावर, तसेच प्रत्येक आईस्क्रीम कपवर नमूद आहे. असे असतानाही अकोला रेल्वे स्थानकावर उष्णतेने त्रस्त झालेल्या प्रवाशांना दामदुप्पट दराने हे आईस्क्रीम कप विकल्या जात आहेत. कुठल्याही नामांकित कंपनीचा १00 ग्रॅम आईस्क्रीमचा कप रेल्वे स्थानकाबाहेर केवळ १0 रुपयांना विकत मिळतो; मात्र ह्यअमूलह्ण कंपनीचा ह्यइंडिव्हिजुअल कप नॉट टू बी सोल्ड लूजह्ण अशी स्पष्ट ताकीद नमूद केलेला १00 ग्रॅम आईस्क्रीमचा कप, रेल्वे स्थानकावरील फलाटांवर प्रवाशांना चक्क २0 रुपयांमध्ये विकल्या जात आहे. अन्न व औषध प्रशासन अधिकारी याकडे सपशेल दुर्लक्ष करीत असल्याचे दिसत असून, त्यामुळेच रेल्वे स्थानकावर रेल्वे पोलिसांच्या डोळय़ादेखत ग्राहकांना उल्लू बनविण्याचा हा प्रकार सुरू आहे.
रेल्वे स्थानकावर विक्रेत्यांचे ‘उल्लू बनाविंग’
By admin | Updated: May 21, 2014 01:02 IST