ऑनलाइन लोकमत
मुंबई, दि. २० - 'सैराट' चित्रपटाच्या तुफान यशानंतर या चित्रपटातील कलाकारांबद्दल अफवांचा बाजार उठला आहे. सैराटमधील मुख्य कलाकार 'अर्ची' रिंकू राजगुरु आणि 'परश्या' आकाश ठोसर या दोघांना चित्रपटाच्या उत्पन्नातील बोनस म्हणून प्रत्येक पाच कोटी रुपये देण्यात आल्याची चर्चा आहे. दोन्ही कलाकारांनी हे वृत्त फेटाळून लावले असून ही अफवा असल्याचे म्हटले आहे.
तरुणाईवर गारुड करणा-या, 'सैराट'ने बॉक्स ऑफीसवरही दणदणीत कलेक्शन केले आहे. ५० कोटींचा टप्पा पार करणारा हा मराठीतील पहिला चित्रपट आहे. चित्रपटाने घसघशीत कमाई केल्याने बोनस म्हणून या दोघांना पाच कोटी दिल्याची अफवा पसरली आहे.
तर, अर्ची, परशा केस करतील
रिंकू आणि आकाश यांच्या नावाचे फेक मोबाईल नंबर आणि मेसेजेस सोशल मिडीयावर फिरत आहेत. त्याचा या कलाकारांना त्रास होत आहे. असे खोटे मेसेज आणि मोबाईल नंबर पसरवणा-यांविरोधात कायदेशीर कारवाई करण्याच विचार सैराटचे कलाकार करत आहेत.