आरटीओला २९0 कोटींचा महसूल

ताडदेव आरटीओ कार्यालयाने यंदा २९0 कोटी रुपयांचा महसूल मिळविला आहे.

मुंबई : ताडदेव आरटीओ कार्यालयाने यंदा २९0 कोटी रुपयांचा महसूल मिळविला आहे. या कार्यालयाला २७४ कोटी रुपयांचा महसूल मिळविण्याचे उद्दिष्ट देण्यात आले होते. या कार्यालयाच्या भरारी पथकाला ३ कोटी ४९ लाखांचे उद्दिष्ट देण्यात आले होते. मात्र या पथकाने ६ कोटी २६ लाखांचे उत्पन्न मिळविले आहे. मर्यादेपेक्षा जास्त मालवाहतूक करणाऱ्यांकडून २ कोटी ३१ लाखांची वसुली करण्यात आली आहे.