पुढील महिन्यात ‘वाचक मेळावा’

अखिल भारतीय मराठी साहित्य संमेलन डोंबिवलीत होणार असल्याने संमेलनाच्या वातावरणनिर्मितीसाठी अनेक कार्यक्रम होणार आहे.

डोंबिवली : अखिल भारतीय मराठी साहित्य संमेलन डोंबिवलीत होणार असल्याने संमेलनाच्या वातावरणनिर्मितीसाठी अनेक कार्यक्रम होणार आहे. डोंबिवलीतील पै फ्रे ण्ड्स लायब्ररीतर्फे नोव्हेंबरच्या पहिल्या आठवड्यात वाचक मेळावा होणार आहे. मेळाव्याच्या माध्यमातून वाचकाला संमेलनाविषयी काय वाटते, त्याला संमेलन कशा प्रकारे अपेक्षित आहे. यावर, मेळाव्यात भर राहणार आहे. या वाचक मेळाव्यात संमेलनाची निमंत्रक संस्था आगरी युथ फोरमलाही सामावून घेतले जाणार आहे. वाचक टिकला, वाचन संस्कृती टिकली, तर पुस्तकांचा खप वाढेल. हाच विचार मेळाव्यातून मांडला जाणार असल्याकडे पै यांनी लक्ष वेधले. मेळावा सगळ्या वाचकांसाठी खुला राहणार आहे. सगळ्या साहित्यिक संस्था, शहरातील ग्रंथालये यांना मेळाव्याविषयी सूचित केले जाणार आहे. मेळाव्यातून काही चांगल्या सूचना संमेलनासाठी मिळू शकतात. साहित्य संमेलनात राज्यभरातून विविध प्रकाशक स्टॉल लावतात. संमेलनात होणाऱ्या ग्रंथदालनास वाचक मेळाव्यामुळे चांगला प्रतिसाद मिळू शकेल, असा विश्वास त्यांनी व्यक्त केला.