नवी मुंबई : गुंगीचे औषध देऊन सहा वर्षीय मुलीवर बलात्कार झाल्याची घटना कोपर खैरणो येथे घडली आहे. मुलीवर सायन रुग्णालयात उपचार सुरु असून ती बेशुद्ध अवस्थेत आहे.
गुरुवारी रात्रीच्या सुमारास कोपर खैरणो सेक्टर 19 येथील खाडीलगतच्या झोपडपट्टी भागात ही घटना घडली आहे. तेथे राहणारी सहा वर्षाची मुलगी घराशेजारीच खेळत असताना तिच्यावर बलात्कार झाला होता. बाहेर खेळून झाल्यानंतर घरी येताच ही मुलगी चक्कर येऊन पडली होती. घरच्यांनी तिला उपचारासाठी वाशी येथील पालिका रुग्णालयात नेले असता तेथील डॉक्टरांनी मुलीवर बलात्कार झाल्याचे सांगितले. ही पीडित चिमुरडी बेशुद्ध अवस्थेत असून तिची प्रकृती चिंताजनक असल्याने पुढील उपचारासाठी तिला सायन रुग्णालयात दाखल करण्यात आले आहे. याप्रकरणी मुलीच्या आईने कोपर खैरणो पोलीस ठाण्यात तक्रार दाखल केली होती. घटनेचे गांभीर्य ओळखून पोलीस आयुक्तांच्या निर्देशानुसार वरिष्ठ पोलीस निरीक्षक अशोक नाईक यांनी तपास पथके तयार केली होती. या तपासादरम्यान सहाय्यक पोलीस निरीक्षक विक्रम बनसोडे यांच्या पथकाने हे कृत्य करणा:या वृद्धाला अटक केली आहे. अफाजुद्दीन मोहबत शेख (53) असे त्याचे नाव असून तो पीडित चिमुरडीच्या शेजारीच राहणारा आहे. खाऊची लालूच दाखवून त्याने या चिमुरडीला स्वत:च्या घरात नेले होते. तेथे खाण्यामध्ये गुंगीचे औषध देऊन त्याने बलात्कार केला. पीडित मुलीवर उपचार सुरु असून ती अद्यापही बेशुद्ध अवस्थेत आहे. (प्रतिनिधी)