ऑनलाइन लोकमत
मुंबई, दि. 22 - भांडूप आणि कांजूरमार्ग दरम्यान रेल्वे रुळाला तडे गेल्याने मध्य रेल्वेची वाहतूक विस्कळीत झाली आहे. कालरात्रीपासूनच मुंबई शहर आणि उपनगरात पावसाची संततधार कायम असल्याने कामावर जाणा-या नोकरदरांचे हाल होत असताना आता मध्य रेल्वेची लोकल सेवा कोलमडली आहे.
सीएसटीच्या दिशेने येणा-या धीम्या मार्गावरील लोकल गाडया फास्ट ट्रॅकवर वळवण्यात आल्या आहेत. मध्य रेल्वे मार्गावरील लोकल गाडया 15 ते 20 मिनिटे उशिराने धावत आहेत.