ऑनलाइन लोकमत -
पुणे, दि. 21 - हायप्रोफाईल वेश्या व्यवसायाचे रॅकेट चालविणाऱ्या कुख्यात कल्याणी देशापांडेचे आणखी एक सेक्स रॅकेट उध्वस्त करण्यात पोलिसांना यश आले आहे. कोथरुडच्या उच्चभ्रू भागात चालणाऱ्या या वेश्या व्यवसायातून मुंबईच्या तीन तरुणींची सुटका करण्यात आली आहे.
रवी शिवाजी तपासे (वय 28, रा.फ्लॅट नं ३, शिवालय सोसायटी, डावी भुसारी, पौड रोड) यांच्याविरुद्ध गुन्हा दाखल करण्यात आला आहे. सुटका करण्यात आलेल्या मुलींमध्ये मालाडच्या 19 वर्षीय, कांदिवलीच्या 24 वर्षीय तर न्यू पनवेलच्या 22 वर्षीय मुलीचा समावेश आहे. गुन्हे शाखेच्या पोलिसांना भुसारी कॉलनीमध्ये राहणा-या कल्याणी देशपांडे तरुणींकडून वेश्या व्यवसाय करुन घेत असल्याची माहिती मिळाली होती. त्यानुसार कोथरूड पोलीस ठाण्याच्या पोलीस निरीक्षक (गुन्हे) राधिका फडके यांनी पथकासह छापा टाकून कारवाई करीत तीन सज्ञान मुलींची सुटका केली.
कल्याणी देशपांडे हिच्यावर पुणे शहर आणि जिल्ह्यात 22 गुन्हे दाखल आहेत. 1998 पासून ती या बेकायदा व्यवसायात सक्रिय आहे. तिच्यावर डेक्कन, कोथरूड, विश्रांतवाडी, चतु:शृंगी, हिंजवडी आणि हवेली पोलीस ठाण्यात गुन्हे दाखल आहेत. अनेक नामी गुंडांसोबत तिचे संबंध असून तिच्यावर प्रतिबंधात्मक कारवाईही अनेकदा करण्यात आली आहे.