पोलीस व्हॅनने युवतीला उडविले

बीआरटी मार्ग सुरू झाल्यापासून अपघाताचे सत्र सुरू झाले आहे ते काही केल्या थांबायला तयार नाही.

चंदननगर : बीआरटी मार्ग सुरू झाल्यापासून अपघाताचे सत्र सुरू झाले आहे ते काही केल्या थांबायला तयार नाही. बुधवारी पोलीस व्हॅनने बीआरटी मार्गात युवतीला उडविले. यात तरुणीला जबर मार लागला असून, तिच्यावर खासगी रुग्णालयात उपचार सुरू आहेत.आकांक्षा अमित धनवीज (वय १४, रा. जनतानगर, येरवडा) असे जखमीचे नाव आहे. ही घटना रामवाडी येथील नगररस्ता क्षेत्रीय कार्यालयाच्या परिसरात घडली. अपघातात जखमी झालेल्या तरुणीला राहुल शिरसाट या तरुणाने रुग्णालयात उपचारासाठी दाखल केले. तरुणी बेशुद्ध पडल्याने तिला रुग्णालयात दाखल केले. गाडीचालक संदेश तुकाराम वाघमारे या कर्मचाऱ्यावर गुन्हा दाखल करण्यात आला आहे. (वार्ताहर)नागरिकांना वाहनांचा अंदाज येत नसल्याने अपघात होत असून प्रशासनाने उपाययोजना करणे गरजेचे असल्याचे रामवाडीतील रहिवासी राहुल शिरसाट म्हणाले.