ठाणे : पेट्रोलपंप घोटाळ्याप्रकरणी कल्याण अतिरिक्त सत्र न्यायालयाने जामीन अर्ज फेटाळलेल्या आठ जणांसह तब्बल २४ जणांनी जामिनासाठी आता उच्च न्यायालयात धाव घेतली आहे. यामध्ये पेट्रोलपंपमालक-चालक आणि व्यवस्थापकांचा समावेश असल्याचे पोलीस सूत्रांनी शुक्रवारी सांगितले.पोलिसांनी महाराष्ट्रातील २१ जिल्ह्यांत, तर ओडिशा राज्यातील दोन ठिकाणी इंडियन आॅइल ८७ पंप, हिंदुस्तान पेट्रोलियम ६९ पंप, भारत पेट्रोलियम १४, एरसार पेट्रोलियम ८ पंप अशा एकूण १८८ पेट्रोलपंपांवर कारवाई करून आतापर्यंत ३३ जणांना अटक केली आहे. त्यानंतर, पेट्रोलपंपमालकांनी अटक होऊ नये, यासाठी कल्याण अतिरिक्त सत्र न्यायालयात धाव घेत अर्ज सादर केला होता. त्यानंतर, ३ नोव्हेंबर रोजी न्यायालयाने अटकपूर्व जामीन आणि जामीन मिळावा, यासाठी अर्ज करणाºया ४६ जणांचा एकाच वेळी अर्ज फेटाळला. १६ जणांच्या अर्जावर २९ नोव्हेंबर, तर ८ जणांच्या अर्जावर ६ डिसेंबर रोजी उच्च न्यायालयात निर्णय होणार असल्याची माहिती सूत्रांनी दिली.
पेट्रोलपंप घोटाळा; अटकपूर्व जामिनासाठी २४ जण उच्च न्यायालयात
By लोकमत न्यूज नेटवर्क | Updated: November 18, 2017 02:11 IST