आता ‘ट्रॅफिक इन टच’

अॅन्ड्रॉईड बेस स्मार्टफोनमध्ये माहितीचा खजिना असलेल्या अॅप्सची सध्या चलती आहे.

पुणो : अॅन्ड्रॉईड बेस स्मार्टफोनमध्ये माहितीचा खजिना असलेल्या अॅप्सची सध्या चलती आहे. तरुणाईच्या याच आवडीचा उपयोग वाहतूक नियमन आणि जनजागृतीसाठी करण्याच्या उद्देशाने पुणो शहर वाहतूक पोलिसांनी  ‘पुणो ट्रॅफिक अॅप’ तयार केले आहे. वाहतुकीसंदर्भातील माहिती, सेवा आणि कायदे यासंदर्भातील सविस्तर माहिती या अॅपमध्ये देण्यात आल्याचे वाहतूक शाखेचे उपायुक्त विश्वास पांढरे यांनी सांगितले. 

मराठी आणि इंग्रजीमध्ये असलेल्या या अॅपमध्ये वाहतूक पोलिसांचा संदेश, पुणो पोलीस, वाहतूक पोलीस यांच्या लिंक्स देण्यात आल्या आहेत. या लिंक्समधून त्या त्या विभागाशी आवश्यक आणि महत्त्वाची माहिती वापरकत्र्याला सहज उपलब्ध होणार आहे. अपघात झाल्यानंतर किंवा आणीबाणीच्या काळामध्ये जवळचे पोलीस ठाणो, रुग्णवाहिका, रुग्णालये यांसारख्या अत्यावश्यक सेवांची माहिती लगेचच अॅपवर झळकणार आहे. अनेकदा वाहतूक पोलिसांकडून वाहने उचलली जातात. अशा वेळी कुठे जायचे हे वाहनचालकाला या अॅपच्या माध्यमातून समजेल. 

गुगल लाईव्ह ट्रॅफिक, पब्लिक नोटीस, रस्ता सुरक्षा, रिक्षा आणि मोटार भाडे, फोटो व व्हीडीओ गॅलरी, डूज अँड डोण्ट्स अशा ऑप्शन्सद्वारे वाहनचालकांना हवी ती माहिती देण्याचा प्रयत्न करण्यात आलेला आहे.                            (प्रतिनिधी)

 

4अनेकदा वाहतूक पोलिसांकडून दंडाच्या भल्या मोठय़ा रकमा सांगून वाहनचालकांची अडवणूक केली जाते. याचा विचार करून पोलिसांची खाबूगिरी रोखण्यासाठी अॅपमध्ये वाहतूक नियमभंगाचा प्रकार आणि त्याचा दंड याची सविस्तर माहिती देण्यात आली आहे. यासोबतच वाहतूक पोलिसांसाठी ट्रॅफिकॉपच्या धर्तीवर ‘पुणो ट्रॅफिकिंग’ हे अॅप तयार करण्यात आले आहे. यामध्ये वाहतूक नियमभंग करणा:या वाहनचालकांची माहिती देण्यात आलेली आहे. या अॅपद्वारे एखाद्या वाहनचालकाने यापूर्वी कोणकोणते नियम तोडले आहेत, याची चौकातच मोबाईलवर माहिती उपलब्ध होणार आहे.

 

4वाहतूक पोलिसांचे हे अभिनव असे अॅप्स आणि लिंक तयार करण्यासाठी उपायुक्त विश्वास पांढरे यांनी विशेष प्रयत्न केले आहेत. त्यांना या कामामध्ये पोलीस निरीक्षक (नियोजन) आर. एस. कामिरे यांनी मोलाचे सहकार्य केले.

 

4हे अॅप तयार करण्यासाठी ‘टर्न हिअर’, ‘हार्ड कॅसल’, ‘अॅप डिव्हाइन’ या तीन ग्रुप्सने कष्ट घेतले. आयटी क्षेत्रतील तरुणांनी विनामोबदला हे अॅप्स तयार करून दिल्याबद्दल पोलीस आयुक्त सतीश माथुर यांनी त्यांचा विशेष सत्कार केला.

 

दुबार लायसेन्सला 

बसणार चाप

वाहतूक पोलिसांनी लायसेन्स पकडल्यानंतर ते न्यायालयामध्ये पाठवण्यात येते. परंतु वाहनचालक न्यायालयातून लायसेन्स सोडवून घेण्याऐवजी हरवल्याची तक्रार दाखल करून दुबार लायसन्स काढतात. 

हा प्रकार टाळण्यासाठी वाहतूक पोलिसांनी एक लिंक तयार केली असून, त्यावर जप्त करण्यात आलेल्या लायसेन्सची माहिती टाकण्यात आली आहे. 

आरटीओला ही लिंक देण्यात आली असून, नवीन अथवा दुबार लायसेन्ससाठी अर्ज आल्यास या लिंकवरून खात्री केली जाणार आहे. यामुळे खोटय़ा लायसेन्स मागणीला चाप बसणार आहे.