ना ‘सायकल’ चालली,ना बसपाचा ’हत्ती’

यवतमाळ- वाशिम लोकसभा मतदार संघात राष्ट्रीय पक्ष असलेल्या बहुजन समाज पार्टी व समाजवादी पाटीर्ची जादू लोकसभा निवडणुकीत या वेळीही चालली नाही.

वाशिम : यवतमाळ- वाशिम लोकसभा मतदार संघात राष्ट्रीय पक्ष असलेल्या बहुजन समाज पार्टी व समाजवादी पाटीर्ची जादू लोकसभा निवडणुकीत या वेळीही चालली नाही. महाकाय प्रयत्नांनतर बसपाच्या हत्तीने ४८ हजार ९८१ तर सपाच्या सायकलने जेमतेम तिन हजार २६२ मते घेतली. यवतमाळ - वाशिम हा बंजारा बहुल मतदार संघ आहे. पुसद, दिग्रस व कारंजा विधानसभा मतदार संघामध्ये बंजारा समाजाचे मते मोठय़ा प्रमाणात आहे. एवढेच नव्हेतर पुसदरचे आमदार विद्यमान अन्न व औषध प्रशासन मंत्री मनोहर नाईक तथा दिग्रसचे आमदार संजय राठोड बंजारा समाजाचेच आहेत. यवतमाळ - वािशमध्ये असलेल्या बंजारा समाजाच्या व्होट बँकेवर डल्ला मारण्यासाठी कॉग्रेस, राष्ट्रवादी कॉग्रेसच्या आघाडीचे व शिवसेना, भाजपच्या युतीचे नेहमीच प्रयत्न सुरू असतात. सन २00४ मध्ये पूर्वाश्रमीच्या यवतमाळ लोकसभा मतदार संघातून लोकसभेत पोहोचलेले हरिभाऊ राठोड यांची नौका तारण्यात बंजारा समाजाचेच मोठे योगदान होते. बंजारा समाजाच्या या एकगठ्ठा मतांवर डोळा ठेऊन या लोकसभा निवडणूकीत बहुजन समाज पक्षाने बळीराम राठोड यांच्या गळ्यात उमेदवारीची माळ टाकली होती. राठोड काही महिन्यांपूर्वीच साखर आयुक्त पदावरून सेवानवृत्त झालेले आहेत. त्यामुळे बंजारा समाजात त्यांचे चांगलेच वजन आहे. बंजारा, बहुजन व दलीत मतांच्या जोरावर आपला विजय नक्की असे समिकरण बसपाकडुन मांडल्या गेले होते. सन २00९ च्या लोकसभा निवडणूकीत या पक्षाचे उमेदवार दिलीप एडतकर यांना तब्बल ६२ हजार ७३८ मते घेतली होती. त्यावेळी बंजारा समाज कॉग्रेसचे तत्कालीन उमेदवार हरिभाऊ राठोड यांच्या पाठीशी उभा होता. यावेळी कॉग्रेसने बंजारा समाजाला संधी दिली नाही. त्यामुळे बंजारा समाजाची मते आपल्याकडे वळवून चमत्कार घडविण्याच्या आशेने बसपाने राठोड यांना रिंगणात उतरिवले होते. राठोड यांच्या नावाला असलेले वलय व दलीत व्होट बँक यामुळ े राठोड महायुती व आाघाडीच्या उमेदवाराचे विजयाचे गणित चुकवतील, असा राजकीय अभ्यासकांचा अंदाज होता. मात्र अभ्यासकांचे अंदाज सपशेल चुकीचे ठरले आहेत. त्यांना एकूण १0 लाख ३३ हजार४0२ वैध मतांपैकी फक्त ४८ हजार ९८१ मते मिळविता आली. २00९ च्या निवडणुकीपेक्षा हीमते तुलनेने कमी आहेत. विजयी उमेदवाराला मिळालेल्या मतांच्या तुलनेत ही आकडेवारी फारच कमी असल्याने त्यांच्या विजयावर या मतांचा परिणाम झाला नाही. समाजवादी पक्षाची परिस्थितीही यापेक्षा वेगळी नाही. या पक्षानेही कुणाला अडचण आणली नाही.