अन्नातून नऊ जणांना विषबाधा

बुलडाण्याच्या मोताळा तालुक्यातील घटना

मोताळा (जि. बुलडाणा) : तालुक्यातील वाघजाळ येथे अन्नातून ९ जणांना विषबाधा झाली. यात दीड वर्षीय चिमुकला गंभीर आहे. ही घटना मंगळवारी रात्री ८च्या सुमारास घडली.वाघजाळ येथील कडुबा गाडेकर यांचेकडे त्यांची बहीण अंजना भागवत पाटील व तिचे पती आले होते. मंगळवारी सायंकाळी जेवण झाल्यानंतर उलट्या सुरू झाल्याने सर्वांना बुलडाणा जिल्हा सामान्य रुग्णालयात दाखल करण्यात आले. दीड वर्षीय सर्मथ अनंता गाडेकर हा बालक गंभीर आहे.