ऑनलाइन लोकमत
नाशिक, दि. १४ - देवळालगत असलेल्या भाबडबारी घाटात आयशर उलटून झालेल्या अपघातात तीन जण ठार तर 13 जण जखमी झाल्याची घटना शुक्रवारी रात्री घडली. मृतात मजुरांचा समावेश असल्याचे कळते.
नाशिक येथून डाळींबाने भरलेले खोके घेऊन जाणारा एम. एच. - 04-बीयु-2207 क्रमांकाचा आयशर भाबडबारी घाटात उलटला. घाटातील वळणावर उलटून झालेल्या या अपघातात तीन जण ठार तर 13 जण जखमी झाल्याची घटना शुक्रवारी रात्री 9 ते 10 च्या दरम्यान घडली.
या घटनेतील मृत आणि जखमींची नावे रात्री उशिरापर्यंत कळू शकली नव्हती. अपघातग्रस्त आयशर सटाणा येथील असल्याचे सांगण्यात आले. या अपघातातील जखमींना ग्रामीण रूग्णालयात दाखल करण्यात आले आहे. घटनास्थळी डाळींबाचे खोके अस्ताव्यस्त पडलेले होते.