नांदगाव-मंगलोर रो-रो आजपासून

पनवेलजवळील कोलाड ते मंगलोरपर्यंत कोकण रेल्वेची रो-रो सेवा सुरू असून, आता ती फोंडा-कणकवली येथील नांदगाव रेल्वे स्थानकापासून कोल्हापूर, रत्नागिरी, इचलकरंजी, जयसिंगपूर,

कोल्हापूर : पनवेलजवळील कोलाड ते मंगलोरपर्यंत कोकण रेल्वेची रो-रो सेवा सुरू असून, आता ती फोंडा-कणकवली येथील नांदगाव रेल्वे स्थानकापासून कोल्हापूर, रत्नागिरी, इचलकरंजी, जयसिंगपूर, सांगली, सातारा, कऱ्हाड, आदी शहरांतील ट्रक व अन्य वाहतूकदारांनाही मिळणार आहे. या नव्या सेवेचा प्रारंभ गुरुवारपासून होणार आहे.१६ टनांच्या नियमित ट्रकसाठी या मार्गावर केवळ ६ हजार ३५० इतके भाडे आकारले जाणार आहे. या बाबतची माहिती कोकण रेल्वे कॉर्पोरेशनचे अधिकारी विनयकुमार, बी. बी. निकम, रघुराम शेट्टी यांनी कोल्हापुरातील ट्रकधारकांना दिली.रो-रो रेल्वे सेवा म्हणजे, माल भरलेले ट्रक रेल्वेमधून नेणे व आणणे. एकाच वेळी या रेल्वेमध्ये ५० मालट्रक बसतात. या सेवेमुळे महामार्गावरील मालवाहतूक करणाऱ्या अवजड वाहनांचा ताण कमी होण्यास मदत होते. (प्रतिनिधी)