‘सेल्फी विथ ट्री’ स्पर्धेतील विजेत्यांची नावे जाहीर

वनविभागाच्या वतीने १ ते ३ जुलैदरम्यान राज्यभरात घेण्यात आलेल्या ‘सेल्फी विथ ट्री’ स्पर्धेतील विजेत्यांची नावे जाहीर करण्यात आली आहेत. त्यासाठी वनभवन येथे आयोजित

नागपूर : वनविभागाच्या वतीने १ ते ३ जुलैदरम्यान राज्यभरात घेण्यात आलेल्या ‘सेल्फी विथ ट्री’ स्पर्धेतील विजेत्यांची नावे जाहीर करण्यात आली आहेत. त्यासाठी वनभवन येथे आयोजित खास ‘ड्रॉ’मध्ये स्वत: प्रधान मुख्य वनसंरक्षक (वनदल प्रमुख) यांच्या उपस्थितीत २५ विजेत्यांची निवड करण्यात आली. तांत्रिक कारणांमुळे त्यापैकी २ नावे बाद करून, अन्य २३ जणांना विजेते ठरविण्यात आले आहे.या विजेत्यांना २९ जुलै रोजी नागपुरात आयोजित जागतिक व्याघ्रदिन समारंभात मान्यवरांच्या हस्ते पुरस्कार प्रदान करून गौरविण्यात येणार आहे. वनविभागाच्या वतीने १ ते ७ जुलैदरम्यान वनमहोत्सव साजरा करण्यात आला. यात १ जुलै रोजी राज्यभरात एकाच दिवशी दोन कोटी वृक्ष लागवडीचा कार्यक्रम आखण्यात आला होता. त्यानुसार, या दिवशी राज्यभरात २ कोटी ८१ लाख ३८ हजार ६३४ झाडांची लागवड करण्यात आली. याच कार्यक्रमाचा एक भाग म्हणून ‘सेल्फी विथ ट्री’ या स्पर्धेचे आयोजन करण्यात आले होते.हे आहेत विजेतेसुरेश पाऊल, देवनाश चौरसिया व नितीन रेवतकर (नागपूर) यांच्यासह मुकेश माकडे (मुंबई), ऋषिकेश बावणे (अमरावती), प्रकाश पाटील संदीप पटोले, संजय मिथारी व सुनील पवार (कोल्हापूर), रामजी गगरानी (हिंगोली), दीपाली पाटील (धुळे), मनीष मंत्री (वाशिम), पारस शहाणे (पालघर), डॉ. स्वाती राऊत (सोलापूर), आशिष निरुडे व नामदेव भोये (लातूर), विराट दुसाने (नाशिक ), राजीव गोधेराव, गजानन जकाते, राजेंद्र पाटील, विपेश देधिया (मुंबई), नारायण पालोडकर (पुणे) यांचा समावेश आहे.