रमझान ईद शुभेच्या देण्यासाठी गेलेल्या शाबीरपटेल याची हत्या

विजयपूर शहरात वर्षापूर्वी फय्याज मुश्रीफ याची हत्या करण्यात आली होती़ या हत्याकांडात सहभागी असलेला संशयित शाबीर पटेल (वय ४८, रा़ दरबार गल्ली विजयपूर) सध्या टाकळी

ऑनलाइन लोकमतविजयपूर : विजयपूर शहरात वर्षापूर्वी फय्याज मुश्रीफ याची हत्या करण्यात आली होती़ या हत्याकांडात सहभागी असलेला संशयित शाबीर पटेल (वय ४८, रा़ दरबार गल्ली विजयपूर) सध्या टाकळी, जिल्हा सोलापूर याची गोदावरी हॉटेल चौकात हत्या करण्यात आली़ ही घटना शुक्रवारी सायंकाळी ५ वाजता घडली़ या घटनेनंतर विजयपूर जिल्हा रुग्णालय आणि गावात रात्री उशिरापर्यंत तणावपूर्ण वातावरण होते़ दरम्यान, संशयितांना अटक केली जात नाही तोपर्यंत मृतदेह स्वीकारणार नसल्याचा पवित्रा पटेल कुटुंबीयांनी घेतला़ त्यामुळे विजयपूर जिल्हा रुग्णालय परिसरात तणाव निर्माण झाला होता. सर्वांना शांततेचे आवाहन करून विजयपूर पोलीस तोडगा काढण्याचा प्रयत्न करत होते. शाबीर पटेल हे रमझान ईदनिमित्त मित्राला भेटण्यासाठी गेले होते. त्यास मारण्यासाठी दबा धरून बसलेल्या मारेकऱ्यांनी तो समोर येताच दोन गोळ्या झाडल्या़ त्यानंतर धारदार शस्त्रांनी हल्ला करून जखमी केले़ या हल्ल्यात शाबीरपटेल यांच्या शरीरातून रक्तस्राव झाला. शाबीरपटेल हे रक्ताच्या थारोळ्यात पडलेले पाहून बघ्यांची गर्दी झाली. मात्र, भीतीने कोणीही जवळ गेले नाही. काही क्षणातच या घटनेची माहिती सगळीकडे पसरली. त्यानंतर शाबीरपटेल यांचे नातेवाईक घटनास्थळी आले. तोपर्यंत हल्लेखोर पसार झाले होते. कुटुंबीयांनी शाबीरपटेल यास उपचारासाठी जिल्हा रुग्णालात दाखल केले़ परंतु, उपचारापूर्वीच त्याचा मृत्यू झाला़ या प्रकरणी रात्री उशिरापर्यंत गांधी चौक पोलीस स्टेशन येथे फिर्याद नोंदविण्याची प्रक्रिया सुरू होती. त्याच्या पश्चात पत्नी, एक मुलगा, एक मुलगी, आई, वडील भाऊ, असा परिवार आहे. (वार्ताहर)