नक्षल्यांचा शस्त्रसाठा पोलिसांनी केला जप्त

पोलीस मुख्यालयाचे विशेष अभियान पथक शोधमोहीम राबवित असताना नक्षलवाद्यांनी लपवून ठेवलेला मोठा शस्त्रसाठा पोलिसांना सापडला आहे.

ऑनलाइन लोकमतगडचिरोली, दि. 12 - अहेरी पोलीस ठाण्याच्या हद्दीत देवलमरी पहाडीवर शुक्रवारी प्राणहिता पोलीस मुख्यालयाचे विशेष अभियान पथक शोधमोहीम राबवित असताना नक्षलवाद्यांनी लपवून ठेवलेला मोठा शस्त्रसाठा पोलिसांना सापडला आहे. यात एका एके-४७ रायफलचाही समावेश आहे.अहेरी प्राणहिता पोलीस मुख्यालयाचे पथक नक्षलविरोधी शोधमोहीम राबवित असताना देवलमरी पहाडीवर एके-४७ रायफल, ३९ काडतुस, एसएलआर रायफलचे १ काडतुस, १ हॅन्ड ग्रेनेड, १ वॉकिटॉकी, १ डेटोनेटर असा मोठा शस्त्रसाठा जप्त करण्यात पोलिसांना यश मिळाले. गेल्या काही दिवसात नक्षलवाद्यांच्या विरोधात पोलिसांनी नक्षलविरोधी अभियान तीव्र केले असून पोलीस अधीक्षक डॉ. अभिनव देशमुख रूजू झाल्यानंतर चार नक्षलवाद्यांना कंठस्नान घालण्यात पोलिसांना यश आले.