पिंपरी : अपक्ष आमदार विलास लांडे व लक्ष्मण जगताप विधानसभा निवडणुकीच्या तोंडावर राष्ट्रवादी काँग्रेसमध्ये प्रवेश करणार असल्याच्या वावडय़ा सोमवारी दिवसभर उठल्या. मात्र, दोन्ही आमदारांनी तूर्तास असा कोणताच निर्णय घेतला नसल्याचे स्पष्ट केले. पक्षाने कमिटमेंट द्यावी, तरच पक्षप्रवेशाचा निर्णय घेऊ, अशी त्यांची भूमिका आहे.
सोमवारी मुंबईत दोन्ही आमदार अन्य अपक्ष आमदारांबरोबर राष्ट्रवादीमध्ये प्रवेश करणार असेही मेसेज मोबाईलव्दारे वेगाने फिरत राहिल्याने उत्सुकता ताणली गेली होती. परंतु दोन्ही आमदारांच्या वेगळ्या भूमिकेमुळे ती उत्सुकता फोल ठरली.
सध्या प्रवेश केलेला नाही. परंतु पक्षाकडून ‘कमिटमेंट’ मिळाल्यास निर्णय घेता येईल. काही अडचणी आहेत, त्या दूर होणो आवश्यक वाटते. त्यावर राष्ट्रवादीकडून काय तोडगा निघतो, यावरच पुढील निर्णय अवलंबून आहे. त्यामुळे राष्ट्रवादीच्या नेत्यांकडे वेळ मागून घेतला आहे, असे आमदार लांडे यांनी सांगितले. जगताप यांच्या निकटवर्तीय कार्यकत्र्यानीही या मुद्दय़ास दुजोरा दिला.
भोसरीचे आमदार लांडे यांचे प्रतिस्पर्धी स्थायी समितीचे अध्यक्ष महेश लांडगे राष्ट्रवादीकडून इच्छुक आहेत. नगरसेवक दत्ता साने यांनीही तयारी केली आहे.
अशा परिस्थितीत राष्ट्रवादीमध्ये प्रवेश करून उमेदवारी घेतल्यास लांडगे यांची बंडखोरी पक्ष रोखणार का?, साने यांची समजूत कशी काढणार? या मु्द्यांवर तोडगा कसा काढला जाणार? याची कमिटमेंट लांडे यांना पाहिजे.
चिंचवड मतदारसंघ आघाडीच्या माध्यमातून राष्ट्रवादीला मिळणार की काँग्रेसकडे जाणार, हे निश्चित नाही. अशा स्थितीत राष्ट्रवादीमध्ये प्रवेशाची घाई करणो अडचणीचे ठरू शकते. त्यामुळे ही जागा राष्ट्रवादीेच राहील, बंडखोरी होणार नाही, याची ‘कमिटमेंट’ जगताप यांना पाहिजे. राष्ट्रवादी काँग्रेसकडून हमी मिळाल्यानंतरच पक्ष प्रवेश करायचा,असा निर्धार करून त्यांनी ‘वेट अॅण्ड वॉच’ हे धोरण स्वीकारले आहे. (वार्ताहर)