मुंबई : अभियांत्रिकी प्रवेशासाठी महत्त्वपूर्ण मानल्या जाणाऱ्या जेईई मेनच्या परीक्षेचा निकाल बुधवारी जाहीर झाला. यात १ लाख ९८ हजार २२८ विद्यार्थी जेईई अॅडव्हान्ससाठी पात्र ठरल्याची घोषणा माध्यमिक शिक्षण मंडळातर्फे (सीबीएसई) करण्यात आली आहे.देशभरातील १३१ केंद्रांवर ३ ते १० एप्रिल या कालावधीत आॅनलाइन आणि आॅफलाईन पद्धतीने जेईईची परीक्षा घेण्यात आली होती. सीबीएसई बोर्डाने जाहीर केलेल्या आकडेवारीनुसार यंदा परीक्षेसाठी ९ लाख ७४ हजार २३० विद्यार्थी बसले होते. यातील १ लाख ९८ हजार २२८ विद्यार्थी जेईई अॅडव्हान्ससाठी पात्र ठरले आहेत. यात आॅनलाईन परीक्षेत १९ हजार ८२० तर आॅफलाईन परीक्षेत १ लाख ७८ हजार ४०८ विद्यार्थी असल्याची माहिती सीबीएसई कडून देण्यात आली.
जेईई मेनचा निकाल जाहीर
By admin | Updated: April 28, 2016 06:18 IST