ऑनलाइन लोकमत
ठाणे, दि.२३ - 'इसिस' या दहशतवादी संघटनेशी संबंध असल्याच्या संशयावरून कल्याणमधून एका तरूणाला अटक करण्यात आली आहे. महाराष्ट्र एटीएस व केरळ पोलिस यांनी संयुक्तरित्या ही कारवाई केली आहे. रिझवान खान असे त्या तरूणाचे नाव असून पोलिसांनी दोनच दिवसांपूर्वी त्याची चौकशी केली होती.
रिझवान हा इसिसशी संपर्कात असल्याचा संशय असून त्याने केरळमधील ख्रिश्चन जोडप्याला धर्मपरिवर्तनासाठी मदत करून त्यांना इसिसमध्ये जाण्यास मदत केल्याचा आरोप त्याच्यावर ठेवण्यात आला आहे.
केरळमधून नुकतेच काही युवक इसिसमध्ये गेल्याचे समोर आले असून त्या पार्श्वभूमीवर त्यामुळे केरळ पोलिसांकडून देशभरात शोधमोहिम राबवण्यात येत आहे. त्याच अनुषंगाने करण्यात आलेल्या तपासादरम्यान केरळ पोलिसांनी महाराष्ट्र एटीएसच्या मदतीने ही कारवाई केली आहे.
दरम्यान गेल्या आठवड्यातच महाराष्ट्र एटीएसने पुण्यातील कोंढवा परिसरातून ५ तरूणांना इसिस संबंध असल्याच्या आरोपावरून ताब्यात घेतले होते.
आणखी वाचा :