अकोला : उच्चशिक्षित दाम्पत्याच्या छळाला कंटाळलेल्या एका १३ वर्षीय मुलीची ह्यऑल वुमन मोबाईल पेट्रोलिंगह्ण पथकाने सुटका केली. ह्यऑल वुमन मोबाईल पेट्रोलिंगह्ण पथकाच्या प्रमुख एपीआय ज्योती विल्हेकर यांनी दिलेल्या माहितीनुसार, येथील कीर्ती नगरातील प्रा. आभा सुनीत खेडेकर (४५) व त्यांचे पती सुनीत खेडेकर यांनी दीड महिन्यांपूर्वी मध्यप्रदेशातील खंडवा जिल्हय़ातील भुतनी गावामधील एका १३ वर्षीय मुलीला घरकामासाठी अकोल्यात आणले. त्यासाठी तिच्या आईला काही पैसेही दिले. ही मुलगी खेडकर यांच्या घरामध्ये धुणी-भांडी व घरकाम करीत असे. दरम्यान, तिच्याकडून कामामध्ये दिरंगाई झाल्यास खेडेकर दाम्पत्य तिला अमानुष मारहाण करीत होते. तिला घरातील व्हरांड्यामध्ये झोपवित होते. खेडकर दाम्पत्याच्या सततच्या छळाला कंटाळून या मुलीने शनिवारी सकाळी १0 वाजताच्या सुमारास घरात कोणी नसल्याचे बघून पळ काढला. तिने कसेबसे बस स्थानक गाठले. बस स्थानकावर ती गोंधळलेल्या मनस्थितीत फिरत असताना, एका सुज्ञ नागरिकाचे तिच्याकडे लक्ष गेले. त्याने तिची चौकशी केली. त्यानेच विल्हेकर व त्यांच्या पथकाला माहिती दिली. पथकातील पोकॉ भारती बोरकर, पोकॉ खुदेजा, शिल्पा वानखडे, सुमन पळसकर यांनी मुलीला ताब्यात घेतले. त्यावेळी ही मुलगी भेदरलेली होती. पथकातील महिला कर्मचार्यांनी मुलीची चौकशी करून तिला विश्वासात घेतले. त्यानंतर या मुलीने खेडेकर दाम्पत्याने तिच्यावर केलेल्या अत्याचाराचा पाढाच पथकासमोर वाचला. मुलीच्या हातावर काही जखमाही दिसून आल्या. विल्हेकर यांनी ही माहिती बालकल्याण समितीचे संजय सेंगर, चाईल्ड लाईनचे प्रशांत बांबटकर यांना दिली. त्यांनी मुलीची चौकशी केली. यावेळी पोलिसांनी खेडेकर दाम्पत्यालाही महिला तक्रार निवारण कक्षामध्ये चौकशीसाठी बोलाविले होते.
** दीड महिन्यांपासून सुरू होता छळ
पीडित मुलीने दिलेल्या माहितीनुसार खेडेकर दाम्पत्याने तिच्या आईला १0 ते १५ हजार रुपये देऊन तिला अकोल्यात आणले. यापूर्वी ऊर्मिलाची मोठी बहीणसुद्धा या दाम्पत्याकडे कामाला होती. घरातील धुणी-भांडी, फरशी यासोबतच घरातील अन्य कामेही हे दाम्पत्य तिच्याकडून करून घेत होते. कामामध्ये थोडीही चूक झाली तर दाम्पत्याकडून तिला मारहाण करण्यात असे. हा प्रकार गत दीड महिन्यांपासून सुरू होता.