वाशिम: तापत्या उन्हात लोकांना रस्त्याच्या कडेला लागलेल्या गाडीवरचा बर्फ गोला खाण्याचा मोह आवरत नाही. उन्हाचा पारा चढत असल्याने फळांचा रस, लिंबू सरबतच्या गाड्यांवर नागरिकांची गर्दी वाढत आहे. बर्फ गोला व सरबतासाठी वापरण्यात येणारा बर्फ नेमका कोणत्या दर्जाचा असतो.ज्या कारखान्यात हा बर्फ तयार होतो तेथील वातावरण आरोग्यदायी आहे का आदी प्रनांकडे कुणीही फारसे गांभिर्याने पाहत नाही. लोकांची हीच नाडी पकडुन बर्फ किती हानीकारक असतो हे दाखविण्यासाठी लोकमतने आज स्टिंग ऑपरेशन राबविले. स्टिंग ऑपरेशनमध्ये अनेक धक्कादाक बाबींचा उलगडा झाला. बर्फ बनविण्यासाठी वापरण्यात येणारे पाणी कमालीचे अशुध्द होते. बर्फ बनविण्यासाठी वापरण्यात येणार्या साचाला मोठय़ा प्रमाणात गंज चढलेला होता. शिवाय कारख्यान्यातील स्टाईलखाली सदर साचे ठेवले होते. कारखान्यात काम करणारे या साच्यावरूनच येजा करीत असल्याचेच दिसून आले.
** बर्फ बनविण्यासाठी अमोनियाचा वापर
बर्फ बनविणार्या काही कंपन्या आपला बर्फ मोठय़ा आकाराचा व्हावा व तो जास्त काळ टिकावा यासाठी अमोनियमचा वापर करतात. त्याच्या जोडीला विविध वायू आणि दुषीत पाणी असते. हा बर्फ दूध, मासे, व रासायनिक उत्पादनांना थंडावा देण्यासाठीच तयार केला जातो. या बर्फातील सर्वच घटक आरोग्याच्या दृष्ट्रीने घातक असतात. औद्योगिक वापरासाठी असलेल्या बर्फाची खाद्यपदार्थ म्हणून वापर होतो.
** वरकरणी जसं दिसते तसं नसते
बर्फ बनविण्यासाठी 0 डिग्रीच्या तापमानाची आवश्यकता आसते. त्याशिवाय बर्फ बनु शकत नाही. त्यामुळे बर्फ हा थंड पदार्थामध्ये गणल्या जाते. मात्र वैज्ञानिक दृष्ट्या बर्फ हा पदार्थ शरीरासाठी गरम असल्याचे म्हटले जाते. म्हणूनच बर्फ खाल्यावर काही वेळाने तोंडात गरम वाटते.
बर्फ बनविण्यासाठी असे दूषित पाणी वापरण्यात येते