पुणो : ‘हेल्मेट.. आम्ही पुणोकर हेल्मेट वापरत नाही,’ असे बिरुद मिरवीत हेल्मेटविना गाडी चालविणा:या तरुणाईला आता हेल्मेटचे महत्त्व पटू लागले आहे. पोलिसांनी हेल्मेटसक्ती केल्यानंतर हेल्मेट घालण्यापेक्षा आपणहून हेल्मेट वापरण्यास अनेकांनी सुरुवात केली आहे. परंतु तरीही असे अनेक वाहनचालक आहेत, जे हेल्मेट वापरत नाहीत. त्यामुळे त्यांच्याकरिता हेल्मेटसक्ती करण्यास 63 टक्के तरुणांनी ‘हिरवा कंदील’ दिला आहे.
‘हेल्मेटसक्ती योग्य की अयोग्य’, याबाबत तरुणाईचे काय म्हणणो आहे, हे जाणून घेण्याचा ‘लोकमत’ने प्रयत्न केला. त्यामध्ये 63 टक्के तरुणांनी हेल्मेटसक्ती योग्य असल्याचे सांगितले आहे. तर, 37 टक्के तरुणांनी सक्ती अयोग्य असल्याचे सांगितले आहे. भविष्यात हेल्मेटसक्ती झाल्यास आणि त्याची काटेकोरपणो अंमलबजावणी झाली, तर समर्थन करणा:यांचा आकडा 67 टक्के इतका आहे. समर्थन करणारे बहुसंख्य असले, तरी अजूनही 33 टक्के तरुणांनी हेल्मेटला विरोध दर्शविला आहे. वाहतुकीच्या नियमांचे पालन करीत वेगमर्यादेत गाडी चालवीत असू, तर हेल्मेटची आवश्यकता नसल्याचे अनेकांचे म्हणणो आहे. हायवेवर वेगाने वाहने चालवितात, त्यामुळे फक्त हायवेवर हेल्मेटसक्ती करावी. तर हेल्मेट वापरणो हा स्वच्छेचा प्रश्न असावा, असेही अनेकांनी सांगितले. हेल्मेटने त्रस होत नसल्याचे 6क् टक्के वाहनचालकांचे म्हणणो आहे.
(प्रतिनिधी)
दुचाकीसोबत हेल्मेट फुकट मिळावे
ज्या कंपनीकडून दुचाकी वाहनाची खरेदी करु, त्या कंपनीकडून हेल्मेट मोफत मिळाल्यास हेल्मेट वापरण्यास तरुणाईने तयारी दर्शविली आहे. मोफत हेल्मेट मिळाल्यास 79 टक्के वाहनचालकांनी वापरण्यास होकार दिला आहे, तर 21 टक्के तरुणांनी विरोध दर्शविला आहे. सध्या कोणत्याही कंपनीकडून हेल्मेट मोफत दिले जात नाही. फक्त दुचाकीवर हेल्मेट वापरा, असा संदेश लिहिलेला असतो. परंतु, त्याकरिता कंपनीवरुन कोणतेही प्रयत्न केले जात नाहीत.
अपघातामध्ये हेल्मेट उपयुक्त
शहरातील दुचाकीच्या वाढत्या संख्येप्रमाणो अपघातांचे प्रमाण वाढू लागले आहे. ‘हेल्मेट घाला, अपघात टाळा,’ अशा प्रकारची जनजागृती वारंवार केली जाते. परंतु, तरीही वाहनचालकांकडून हेल्मेटचा वापर होताना दिसत नाही. हेल्मेट वापरत नसले, तरी अपघातामध्ये हेल्मेट उपयुक्त असल्याचे तब्बल 84 टक्के तरुणांनी मान्य केले आहे. त्यामुळे कळतंय पण वळत नाही, असे म्हणण्याची वेळ आली आहे.